Monday, October 18, 2010

ஓய்வுத்தன்மை

தியானம் ஓய்வுத்தன்மையில் மட்டுமே நிகழமுடியும். எனவே நாம் தியானம் என்ற பெயரில் செய்யும் முயற்சிகள் அனைத்தும் ஓய்வுத்தன்மையில் இருக்கும் முயற்சிகளே. ஆனால் ஓய்வுத்தன்மை என்பது முயற்சிகள் ஏதுமற்ற நிலையே. முயற்சிகளை கைவிட்டுவிட்ட நிலையே ஓய்வுத்தன்மை. அவ்வாறு தினமும் ஒரு மணிநேரமாவது ஓய்வுத்தன்மையில் இருப்பதையே நாம் தியானம் என அழைக்கிறோம்.
அவ்வாறு 24 மணிநேரமும் ஓய்வுத்தன்மையில் இருப்பதையே தவம் என அழைக்கிறோம். நீ கேட்கலாம், அவ்வாறு 24 மணிநேரமும் ஓய்வுத்தன்மையில் இருப்பது முயற்சிகள் அற்று இருப்பது என்றால் தினசரி சாதாரண செயல்களை எவ்வாறு செய்வது? நான் முயற்சிகள் அற்று இருப்பது என்றுதான் கூறினேன். செயல்களை செய்யாமல் இருப்பது என்று கூறவில்லை. அவ்வாறு செயல்களை செய்யாமல் இருப்பதற்கு பெயர் சோம்பேறித்தனம். அவ்வாறு ஓய்வுத்தன்மையில் இருக்கும்பொழுது சில செயல்கள் தானாகவே நிகழும், அவ்வாறு செயல்கள் நிகழும்பொழுது அவற்றை அனுமதித்து விட்டால் படிப்படியாக எல்லா தினசரி செயல்களும் தானாகவே நாம் ஓய்வுத்தன்மையில் இருந்து மாற வேண்டிய தேவை இன்றியே நிகழும். அந்த செயல்கள் நிகழ்வதற்கு நமது முயற்சிகள் எதுவும் தேவையில்லை.அப்போது 24 மணிநேரமும் விழிப்புணர்வுடன் இருக்க இயலும். பிறகு ஓய்வுத்தன்மை நமது இயல்பாகிவிடும். அவ்வாறு ஓய்வுத்தன்மை இயல்பாக மாறும்வரை தினமும் 1 மணிநேரமாவது தியான யுக்திகளை செய்வது மிகவும் அவசியம். மற்றவை எனது அடுத்த பதிப்பில்....................................

No comments:

Post a Comment